BOSTON -- Ang panahon sa gradwasyon kasagaran usa ka panahon sa pagpaabot ug pagsaulog, apan sa Harvard University sa Cambridge, Massachusetts, ang kahimtang pulos kabalaka ug kalisang.
Sa miaging semana, ang polisiya sa federal nga gobiyerno nga nagdili sa labing karaan nga unibersidad sa U.S. sa pagdawat og international students nakamugna og kakurat, kasuko, ug kahadlok.
Bisan og nipasaka og kaso ang Harvard batok sa federal government, ug ang federal judge sa Massachusetts temporaryong nibabag sa pagdili, ang mga implikasyon sa polisiya nagpadayon sa pagpakulba sa kasamtangan ug umaabot nga international students sa tibuok United States.
Hinay nga ulan ang nibundak sa kampus sa Harvard niadtong Sabado.
Sa dihang giduol sa Xinhua alang sa ilang mga komento, daghang mga estudyante ang nagduhaduha sa paghisgot sa maong isyu.
Adunay pipila nga andam mosulti apan nihangyo nga dili ibutyag ang ilang mga ngalan.
Usa ka Canadian history PhD student naemosyonal sa dihang iyang nahibaw-an ang pagdili sa gobiyerno sa US.
“I’m angry and I’m nervous, nervous on my own status, angry at the American government,” matod niya.
Ang estudyante nga gikan sa Siyudad sa Montreal niingon nga sa pagkakaron, kinahanglan siyang maghunahuna og daghang backup plan.
“The best-case scenario, if I lose my visa, I would be receiving a visa sponsored by another American University, which will allow me to, at least stay in the country. But, if worse comes to worst, I will go finish my studies in France,” siya nidugang.
Si James nga nihatag lang sa iyang first name, usa ka Australian statistics PhD student, niingon, “I wasn’t sure if this was the real world we were living in or if I was in a dream. It just seems so out of the ordinary, such a draconian and insane move. It just doesn’t seem like something that a reasonable federal government would do.”
Si Jiang Yurong, usa ka master’s graduate gikan sa Harvard Kennedy School, nipaambit sa Xinhua nga sa pagkadungog niya sa balita, bag-o lang siya nibalik gikan sa pagbisita sa North Macedonia ug nangandam na nga mobalik sa United States.
“I was worried about whether I could return,” matod ni Yurong kinsa usa sa mga estudyante nga mamumulong alang sa commencement ceremony sa Mayo 29, nga nagrepresentar sa graduate students.
Bisan og nakabalik siya sa kampus ug makagradwar sumala sa plano, nagpadayon ang mga kabalaka ni Jiang, usa ka Chinese student.
“I’m very fortunate that my graduation seems to be secure, but I’m deeply worried about the younger classmates -- what their future will look like,” matud ni Jiang.
Si Li Haojinchuan, usa ka first-year master’s student sa Kennedy School, usa sa mga batan-ong kauban sa klase.
Nisulod siya sa master’s program niadtong miaging fall season ug nakatakda nga mogradwar sa 2026.
“First, the reaction was one of surprise and even shock. Then, after several days, it turned into anxiety. Now, it has shifted to a sense of helplessness and powerlessness -- all we can do is wait and see how things unfold,” giingnan ni Li ang Xinhua. / Xinhua