Mga kahimanan sa CCPO alang sa emerhensiya gisusi

■ MGA EKIPO: Gipakita sa Cebu City Police Office (CCPO) ang ilang mga kahi­manan nga ma­gamit panahon sa emerhensya. / ARNOLD Y. BUS­TAMANTE
■ MGA EKIPO: Gipakita sa Cebu City Police Office (CCPO) ang ilang mga kahi­manan nga ma­gamit panahon sa emerhensya. / ARNOLD Y. BUS­TAMANTE

Gisusi sa Cebu City Police Office ang ilang mga kagamitan atol sa Simultaneous Showdown Inspection sa PNP Disaster Response Equipment Capabilities nga gipangulohan sa Camp Crame.

Ang Police Regional Office 7 uban sa CCPO ug Provincial Police Offices nihimo sa maong kalihukan aron mahibaw-an ang kapabilidad ug kapasidad sa kapulisan sa pagtubag sa higayon nga adunay kalamidad.

Atol sa pag-igo sa bagyong Aghon, daghang mga dapit sa Pilipinas ang gibahaan.

Sa dakbayan sa Sugbo, ilang gipakita ang ilang mga gamit sama sa pala, chainsaw, pisi, butas, hagdan, rubber boat ug uban pa nga maoy magamit kon adunay emerhensya nga mahitabo mugna sa katalagman.

Matod ni Police Lt. Col. Janette Rafter, deputy city director for administration sa CCPO, nga bisan wala maapektuhi ang Siyudad sa Sugbo sa bagyo, dunay mga dapit sa nasod ang gipangbahaan ug nag landslide nga angay pangandaman.

Giangkon hinuon ni Rafter nga kuwang ang kapulisan sa ilang gamit sa disaster response apan wala sila magsalig niini sanglit kompleto ang Kagamha­nan sa Dakbayan sa Sugbo pi­na­agi sa City Disaster Risk Re­duction and Management Office.

Giawhag usab sa kapulisan ang publiko nga magmabinantayon usab sa ilang kaugalingon ilabi na nga sa sunod nga mga buwan magsugod ang ting-uwan nga peligro sa baha ug pagdahili sa yuta. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph