Nipagawas og hugot nga pahimangno si Cebu Governor Pamela Baricuatro batok sa mga kriminal ug indibidwal nga nalambigit sa ilegal nga drugas, kurapsyon, child pornography, human trafficking, illegal gambling, illegal quarrying, sand mining, ug uban pa nga hunongon na kining maong mga kalihukan o atubangon ang tukmang silot base sa balaud nga ilang nalapas.
“I’m sick and tired of illegal activities ruining our province... My police are watching you. The command center is fully prepared. We will hunt you down. Stop your illegal operations NOW. Leave Cebu or face the full force of the law. I will not hesitate to crush you and make sure you pay for your crimes,” matud ni Baricuatro sa iyang mensahe nga gi-post sa social media sa Dominggo, Hulyo 6, 2025.
Gipasiugda ni Baricuatro nga dili niya tugtan ang bisan unsang porma sa krimen o kurapsyon, ug gidugang niya nga ang probinsiya alang sa mga tarong ug kugihan nga mga lungsoranon.
“This is your final warning, leave now — or prepare to be taken down. I mean business. Cebu is cleaning up, and you’re on notice,” nagkanayon ang gobernadora.
Sumala sa media liaison sa Kapitolyo, si Baricuatro nakadawat og mga impormasyon ug regular nga mga report bahin sa kahimtang sa kalinaw ug seguridad sa probinsya gikan sa lain-laing ahensya sa gobyerno. / EHP