NALIPAY ang 309 ka indibidwal nga nasunogan human nakadawat og tag P10 mil nga ayuda gikan ni Senador Bong Go niadtong Dominggo sa hapon, Pebrero 9, 2025, sa Dakbayan sa Talisay.
Wala makatambong si Sen. Bong Go, apan gipaagi ang hinabang sa Emergency Housing Assistance Program sa National Housing Authority.
Ang mga biktima sa sunog sa Lungsod sa Minglanilla ug Dakbayan sa Talisay wala mapakyas sa saad sa senador.
Sa 309 ka mga benepisyaryo, ang 73 niini mga biktima sa sunog gikan sa Minglanilla ug ang 236 gikan sa Talisay.
Gawas sa pinansiyal nga tabang, nanghatag sab ang senador og packed lunch, vitamins, tambal, basketball, bisekleta, ug uban pa. / GPL