Kapin sa 30 ka Overseas Filipino Workers (OFWs) ang mainitong giabi-abi sa mga sakop sa Overseas Workers Welfare Administration (OWWA 7) sa usa ka programa nga gipahigayon sa Terminal 2 Arrival area sa Mactan-Cebu International Airport sa Sabado, Disyembre 23, 2023.
Ang mga OFW sakay sa Emirates flight gikan sa Dubai nga niabot sa nasod mga alas 3:30 sa Sabado sa hapon.
Isip tinuig nga kalihukan, ang Pamaskong Handog para sa mga OFW, sila gihatagan og mga token isip usa ka porma sa “Salamat”, matod pa ni OWWA 7 officer-in-charge Reynaldo Jacalan.Ang mga OFW maoy gikonsiderar nga modernong bayani sa nasod, dugang ni Jacalan Ang OWWA 7 nag-organisar usab og raffle, nga nagtanyag og ganting salapi ug mga Christmas gift bags nga adunay mga Noche Buena packs.