Mga palak sa Mavericks nasugakod sa Thunder

Mga palak sa Mavericks nasugakod sa Thunder
Basketball (File Photo)

Nasugakod sa Oklahoma City Thunder ang franchise playoff-record sa Dallas Ma­vericks nga 13 ka blocked shots aron iposte ang makutas nga 100-96 nga kadaugan sa Game 4 nga maoy na­katabla sa ilang Wes­tern Conference 2nd round playoff, 2-2, sa National Basket­ball Association (NBA) ning Martes, Mayo 14, 2024 (PH time).

Nakaginhawa og ga­may ang Thunder gi­kan sa hugot nga de­pensa sa Mavericks dihang nakapasulod og three-point shots sila si Chet Holmgren ug Lu Dort nga gisundan og hansak ni Jalen Williams nga naghatag kanila og 94-91 nga labaw sa nahabiling 1:29 minutos.

Nakasikit pagbalik ang Mavericks, 96-95, sa nahabiling siyam ka mga segundos apan didto ra kutob ang ilang pagpanghudlat.

Gipangulohan ni Shai Gil­geous-Alexander ang Thunder pinaagi sa iyang 34 puntos, niamot og 18 puntos si Holmgren , nidugang og 17 puntos si Dort samtang nitampo og 14 puntos si Williams.

Ang Mavericks gipangulohan ni P.J. Washington pinaagi sa iyang 21 puntos, nitunol si Luka Doncic og triple-double nga 18 puntos, 12 ka rebounds ug 10 ka assists samtang nihatag og 17 puntos si Derrick Jones Jr. / AP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph