Gipakita sa mga basketbolistang Pinoy nga nanuwa na karon sa Japan B. League ang ilang abilidad atol sa ilang All-Stars game sa Sabado sa hapon.
Sa iyang unang pagduwa, si Carl Tamayo nangulo sa Asia All-Stars sa pagpukan sa Rising Stars 127-115 sa Okinawa Arena.
Si Tamayo nga nagduwa na sa Ryukyu Golden Kings nitapos sa duwa nga dunay 18 puntos, duha ka rebounds ug usa ka assist.
Nagsunod kang Tamayo sila si Chuan Shin nga dunay 15 puntos samtang nidugang si Lee Dae Sung og 11.
Gipakita sab ni Kai Sotto, ang higanteng Pinoy nga 7’4 nga di siya kapugngan sa ilawom, nitali og duha ka dunks nga wa napugngan, uban kang Ravena.
Nikamada si Sotto og 9 puntos, samtang si Ravena dunay 5 puntos, duha ka rebounds ug 2 ka assists.
Ang first timer nga si RJ Abarrientos duna say 10 ka assists ug 5 puntos samtang sila si Roosevelt Adams ug Matthew Wright dunay tag 8 puntos.
Sa 3rd period, ang Asia All-Stars nipasulod sa ilang starting line up sa tanang dagko sa ilang team.
“Sabi ng coach namin [Anthony McHenry] nung half time na start daw kaming lahat na 7-footer, and si Carl, ayun good experiment, nanalo kami,” matod ni Sotto.
Siya ang nakakuha og daghang mga abiba.