Mga residente makigsulti kang Mayor Chan

Mga residente makigsulti kang Mayor Chan
SunStar Local News GPX

Ang mga lumolupyo nga walay balay alang sa holiday nanghangyo og dayalogo tali sa Lapu-Lapu City mayor apan nasagmuyo tungod kay wala nila igkita ang mayor.

Niadtong Nobiyembre 28, 2023, 39 ka mga balay ang giguba sa usa ka pribadong lote nga adunay gilapdon nga 21,874 square meters sa Sitio Casia, Barangay Bangkal.

Sa ikaduhang hugna sa demolisyon nga nahitabo niadtong Nobiyembre 29 nisangpot sa pagkaguba sa 13 ka mga balay. Sa pagsuwat ning balita, niabot na sa 52 ka mga balay ang naguba.

Niadtong Lunes, Disyembre 3, ang bakwit nga mga residente ug mga sakop sa Casia Matab-ang Residents Association (CAMARA) gustong makigdayalogo sa Local Government Unit (LGU) aron makigsulti kang Lapu-Lapu City Mayor Junard “Ahong” Chan ug misumiter sa ilang position paper. Gusto sa mga residente nga mahatagan og igong relokasyon ang LGU.

Apan nasagmuyo ang mga residente tungod kay wala makigkita si Chan kanila ug giingnan sila sa sekretaryo nga mobalik sa higayon nga magpadala sila og pormal nga sulat nga nagpahibalo sa mayor alang sa usa ka miting.

Matod sa usa ka residente nga kon ma-forward na ang isyo ngadto sa mayor, mahimo na sila’ng makigkita niini apan kinahanglan nga maghulat hangtod nga sila makontak.

Sa position paper nga gisumite sa mga residente gitutokan niini ang saad ni Chan ngadto sa mga residente.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph