‘Mi-tumbling’ sa halin sa drugs, gipatay

Cebu City map.
Cebu City map.

Ex-convict nga wala kabayad sa utang sa drugas, ang namatay human gipauwana’g bala alas 12:40 sa kaadlawon Huwebes, May 2, 2024, sa may Sitio Kamansi, Brgy. Mambaling, dakbayan sa Sugbu.

Si Edmundo Dayao, 35, ulitawo, ex-convict, nagpuyo sa dapit, gipusil patay sa duha ka lalaki.

Ang biktima nakaangkon og fatal nga samad pinusilan sa lawas.

Si Major Jjon Lynbert Yango, hepe sa Mambaling Police Station, mibutyag nga duha ka suspek nga ginganlan og Aldrin ug John Doe, maoy mipusil sa biktima.

Ang duha ka suspek gipangita na karon sa kapulisan nga gi­tuohang nalambigit sa drugas.

Sa gihimong imbestigasyon sa kapulisan, gituohan nga drugas ang motibo sa kremin human masayri nga matod pa adunay dakong na-despalko nga kuwarta sa illegal nga drugas ug gisigehan na og paningil ang biktima.

Nasuta nila nga ang biktima bag-o lang nakapiyansa sa kaso sa illegal nga drugas.

Narekuber sa kapulisan sa crime scene ang duha ka kab­hang sa bala sa kalibre .45 ug usa ka pakite nga drugas. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph