Coordinator sa illegal numbers game nga Swertres wala motagam human nga nadakpan na sab og balik Huwebes sa 8:25 sa gabii, Agusto 22, 2024, Purok Guyabano, Barangay Lawaan 3, Dakbayan sa Talisay.
Si Odelon Barueso Caña, 40, adunay kapuyo ug nagpuyo sa nahisgutang dapit, giila nga coordinator sa illegal numbers game nga Swertres.
Si Caña, naaktuhan nga nagpahigayon sa maong sugal.
Sila Si Police Lt. Col. Efream G. Paguyod, Hepe sa Talisay City Police Station ug mga kaubanan maoy nakasikop ni Odelon.
Nakuha gikan sa iyang posisyon ang usa ka stub nga adunay number combinations, usa ka itom nga ballpen, 1 ka carbon paper,
(1) piece carbon paper, P135.00 halin sa illegal gambling.
Nasayran nga si Odelon sulod na sa ikaduha na ka higayon nga nadakpan sa kapulisan sa susamang kalapasan.
Unang nadakpan si Odelon sa mga sakop sa Regional Intelligence Division (RID) 7 ug Talisay Police Station niadtong Abril 16, 2024 sa Sitio Molave, Brgy. Tabunok dakbayan sa Talisay.
Subay niini giharos sab pagsikop sa kapulisan ang laing unom ka tawo nga nalambigit sa illegal swertres nga sugal sa Talisay City.
Gipusasan si Marly Remata, 58 anyos ug si Meraluna Javier, 58 anyos sa Sitio San Rafael, Brgy. Tanke, Talisay.
Sunod nga napusasan si Nestor Alo Ravena, 58; Rosemarie Jane Labajo, 29, taga Sitio Sawsawan, Brgy. San Roque, Talisay City.
Gisunod pagsikop sila si: Neil John Abella, 29, Tabunok Public Market; ug Rudy Exhavez, 76, anyos taga Purok Saging, Brgy. Lawaan 3, Talisay City.
Matod ni Police Lt. Col. Paguyod, nga walay pu-as ang ilang paggukod sa mga tawo nga nalambigit sa maong ilegal nga sugal diha sa ilang dakbayan.
Ang mga dinakpan napasakaan nag kasong kalapasan sa Republic Act 9287 o illegal swertres. / GPL