Ang Sugboanong kanhi star player sa University of Santo Tomas (UST) Growling Tigers nga si Nic Cabañero nikulit og pangalan sa Maharlika Pilipinas Basketball League (MPBL) pinaagi sa usa ka makasaysayanong performance sa dihang iyang giagak ang Biñan Tatak Gel ngadto sa 121-79 nga paglumpag sa Pasig City niadtong Huwebes sa gabii.
Gikulit pag-usab sa giilang scoring machine ang mga libro sa rekord sa liga human niya madibuho ang 53 puntos nga labing taas sa kasaysayan sa liga pinaagi sa 23-of-33 nga shooting gikan sa field.
Ang talagsaong gipakita ni Cabañero milapas pa sa iyang average naandan nga kahanas.
Iyang gidominar ang ilawom pinaagi sa 22 ka rebounds ug mipakatap og 10 ka assists nga nikompleto sa usa ka talagsaong triple-double sa stat line nga maoy pinaka-best nga triple-double sa kasaysayan sa MPBL.
Ang kalantip ug kahanas uban sa ka paspas ug kahait sa panan-aw sulod sa korte maoy niguba sa depensa sa Pasig City sa upat ka kwarter.
Ang pagpaluta ni Cabañero sa rekord milabaw sa mga naunang labing taas nga puntos sa usa ka duwa, diin naghimo kini og bag-ong sumbanan sa indibidwal nga pagdominar sa kinadak-ang regional nga liga sa nasod.
Tungod sa iyang kadasig ug kabayani, misaka ang Biñan Tatak Gel sa torneyo nga naghatag og tin-aw nga mensahe ngadto sa ubang mga koponan samtang nagkasagitsit ang lumba alang sa playoffs.
Wala pay titulo, wala pay individual awards nga nakataya, apan aduna nay pangalan nga nakakulit sa kasaysayan nga lisod papason sa panumdoman.
Congratulations, Nic. You made the Cebuanos and the Boholanos proud. Keep up the good work...