Oopppsss...
Finally, nalabni na gyud sa bag-ong gipausbaw nga Cebu Greats ang ilang unang kadaugan sa nagpadayon nga Maharlika Pilipinas Basketball League (MPBL) Season 25 nga gipahigayon didto sa Ynares Sports Center sa Pasig, Metro Manila.
Kini sa dihang ilang gipukan ang Imus Braderhood, 76-63, nga maoy nagputol sa ilang sunodsunod nga kapildihan, lakip niadtong ubos pa kini sa pagdumala sa miaging management nga gihamok og pinansiyal nga problema.
Anaa man tuod sila sa ika-13 nga pwesto sa South Division standing, apan wa kini makapahilis sa ilang determinasyon nga maka sulod sa play-in series.
Hinuon malisod nga tahas ang ilang sagubangon sanglit kinahanglan man silang modaog og kapito sa nahabiling 10 nila ka duwa.
Gikahingawa sa Cebu Greats ang maong kadaugan tungod kay alang ni head coach Junthy Valenzuela mao kini nagsilbing leksiyon nga ilang nakuha sa ilang duwa batok sa defending champion nga Pampanga Giant Lanterns ug sa Biñan diin ilang nausikan ang dakong kahigayonan sa ila untang kadaugan.
Hinuon nakadawat sila og mga pagdayeg gumikan kay nakahatag sila og saktong kombati bisan pipila pa lang ka adlaw nga sila na-assemble.
Sa ilang duwa batok sa Imus, dili paman tuod hingpit apan makita na nimo ang ilang pagsinabtanay sulod sa korte.
Nilutaw na og gamay ang chemistry sa team. Mao ni usa sa epekto nga ubos sa bag-ong management ni Samson Lato inspirado na kaayo ang pwersa sa Cebu Greats.
Anaa man tuod sa apiki nga sitwasyon, pero dili pa uwahi ang tanan.
With the strong support of Boss Sam Lato, his team manager John Santos, head coach Valenzuela uban sa iyang mga deputies nga gipangulohan usab ni Dondon Hontiveros, no doubt Cebu can be great again.
○ ○ ○
By the way, pipila oras human sa ilang kadaugan, gibutyag ni coach Junthy diri kanato nga ang pagbisita ni coach Yeng Guiao sa ilang practice before sa ilang duwa batok sa Imus maoy nagduslit og dakong kadasig sa iyang mga batos.
Surprisa diayng midalikyat si Guiao sa Cebu Greats sa dihang iyang nasayran nga si Junthy, ang usa sa iyang star player kaniadto sa Red Bull sa PBA, ug JR Quiñahan, kanhi usab pambato niya sa Rain or Shine ug Nlex Road Warriors nagpunpon sa Cebu Greats.
Nakaduwa usab niya si Mac Tallo sa Nlex. So, ang pagbisita niya sa Cebu Greats nagsilbing mini reunion sa iyang mga player.