Trending karon sa social media ang nahitabong goaltending violation nga nahimo ni Rhinwill Yambing sa Batangas City Tanduay Athletics nga maoy nakapadaog na hinuon sa Cebu Greats, 84-83, sa Sports Plus MPBL Season 2026 nga didto gipahigayon sa Pasay City Astrodome sa Kaulohan niadtong Miyerkules, Abril 22.
Sa katapusang 3.7 segundos nag-ong-ong na sa kadaugan ang Batangas sa dihang nakaposte kini og 83-81 nga labaw sa unang free throw ni Ced Ablaza.
Apan sa ikaduhang bonus shot nasipyat si Ablaza ug ang power forward sa Cebu Greats nga si Simon Camacho maoy midominar sa rebounding play.
Dali nga gipasa ni Camacho ang bola ngadto ni Paul Desiderio kinsa taliwala sa depensa ni Ablaza nakahigayon pa kini og hapos sa bola gikan sa tungatungang bahin sa korte paingon didto sa ilang ring sa pamasin nga makatsamba pa kini.
Apan sa unsang pagkaunsaa nga sa dihang padulong na unta motugpa ang bola sa rim gilayatan ug gipakgang man kini ni Yambing nga dungan sa pagtingog sa oras nga nagtapos sa regulation period.
Sa replay sa video, nakita sa angulo nga wa gyuy porsiyento nga masulod ang bola bisan og dili pa to niya hilabtan.
Tungod kay usa man ka violation ang nahimo ni Yambing, ang mga officials mideklarar nga counted ang pamahala nga three-point shot ni Desiderio nga naghatag og daw sa milagrong kadaogan sa Cebu Greats.
Hangtod ning pagsulat, daw sa baha nga walay flood control ang mga negatibong komentaryo sa social media nga gisagulan og mga di makiangayong mga alegasyon ngadto ni Yambing ug sa samang higayon naka apekto usab sa kinatibuk-ang lega.
Wa usab kalikayi ang pasangil nga naglambigit kuno og sugal ang MPBL nga gipaluyohan og mga sindikato, butang nga dugay nang gidungog ug gipakatap ilabi na sa social media.
Apan kini walay igong basehan ug masabot nga kini bunga lang sa mga negatibong pangagpas o manufactured nga alegasyon , hangtod nga kini dili pa maproybahan.
In the maintime, ang publiko ug ang mga netizens has to wait nga ang management sa Batangas team mo issue sa ilang official statement kalabot sa maong hitabo for the benefits of the doubts.
Much more nga kuhaan usab sa iyang habig si Yambing kon nganong iya kadtong nabuhat.
Ning sayo pa nga bahin sa 2026 MPBL Season, daghan pang mga panghitabo nga mahimong motabon ning maong issue, but one thing for sure nga malakip na kini sa kasaysayan.
Yes, daghan nang mga panghitabo kabahin sa goaltending violation apan kini maoy pinaka kontrobersiya kay gawas nga klaro ug layo kaayo ang travel sa bola, Bataan is on the verged of winning the game in that crucial stretch.
Kon nganong iya kining gibuhat, only Yambing knows...