Migallen: Warriors nameligro batok sa batan-ong Rockets

Taym pa
Migallen: Warriors nameligro batok sa batan-ong Rockets
SunStar Migallen
Published on: 

Human sa wala damhang pagkataktak sa Los Angeles Lakers sa una pa lang round sa playoffs, sentro karon sa mga NBA fans mao ang Golden State Warriors.

Daghan ang naghandom nga sa dihang ang Golden State nakaposte na og dakong bintaha sa ilang series, 3-1, batok sa Houston Rockets haruhay na kining mosulod sa sunod round diin ilang ikaharong ang nagpaabot nga Minnesota Timberwolves.

Ang T-Wolves maoy mipalagpot sa Los Angeles Lakers sa first round, 4-1.

Apan sa unsa bang pagka unsa nga imbes anaa na unta kanila ang homecourt advantage, gisagunsonan na man hinuon sila sa Houston Rockets aron tablahon ang serya, 3-3.

Sayod ang Warriors nga anaa sila sa kalisod karon gumikan kay ang deciding Game 7 adto na man sa teritoryo sa Houston duwaon.

Hinuon, dili bag-o alang sa Warriors ang ingon ani nga sitwasyon ug ang eksperiyensiya nila ni Stephen Curry ug Draymond Green uban sa ilang coach nga si Steve Kerr nga pulos aduna nay upat ka championship maoy usa sa lig-on nilang puhonan.

Di nato ikalimod nga ang presensiya ni Jimmy Butler sa team maoy nakapadugang sa kalig-on base sa iyang gipakita sa pre-season.

Pero kini pamatud-an pa kon epektibo ba gyud ang ilang kombinasyon haom ba usab sa bag-ong gisugdan nga playoffs.

Sa pikas bahin, ang Houston Rockets, nga gibidahan og mga batan-on, nakapakita og balanseng atake pinangulohan nila ni Alperen Sengun ug sa scorer nga si Jalen Green, dugangan pa sa second-year wingman nga si Amen Thompson.

Anaa man tuod nila ang homecourt advantage apan tungod sa kakulang sa ilang playoff experience gikonsiderar, nga sila maoy underdogs.

Sa laktod nga pagkasulti, ang Game 7 sa Warriors ug Rockets maghubit sa panagsangka tali sa experience ug youth.

Apan ang krusyal nga bantayanan kaayo niini mao kining panag-abot sulod sa korte sa duha ka Green - si Draymond sa Golden State ug Jalen sa Houston.

Naobserbahan nga pisikal ug daw sagol intentional ang ginwardiyahay sa duwa.

Mao ni nakapeligro sa Warriors ilabi na og dili kapugong si Draymond sa iyang kaugalingon.

Usbon ko, youth versus experience ug sa derby pa ni, cock versus stag.

We'll see...

Trending

No stories found.

Just in

No stories found.

Branded Content

No stories found.

Videos

No stories found.
SunStar Publishing Inc.
www.sunstar.com.ph