Mikatkat sa lubi kay dunay ‘mopatay niya’

‘ADIK’: Ang mga rescuer ug kapulisan nakig-istorya sa 29 anyos nga gituohang naulipon sa gidiling drugas nga nisaka sa lubi sa Sityo Bolabog, Barangay Panadtaran, lungsod sa Argao, alas 10 sa gabii sa Martes, Pebrero 20, 2024, tungod sa kahadlok nga “dunay mopatay” kaniya.
‘ADIK’: Ang mga rescuer ug kapulisan nakig-istorya sa 29 anyos nga gituohang naulipon sa gidiling drugas nga nisaka sa lubi sa Sityo Bolabog, Barangay Panadtaran, lungsod sa Argao, alas 10 sa gabii sa Martes, Pebrero 20, 2024, tungod sa kahadlok nga “dunay mopatay” kaniya. Dario V. Gil

Usa ka 29 anyos nga gituohang naulipon sa gidiling drugas nikatkat sa lubi sa Sityo Bolabog, Barangay Panadtaran, lungsod sa Argao alas 10:00 sa gabii sa Martes, Pebrero 20, 2024.

Apan hangtod ning pagsuwat sa alas 4 sa hapon, Miyerkules, Pebrero 21, si Benjie Pantinople, lumolupyo sa dapit, wala pa nikanaug human giingon nga nahadlok nga dunay tawo nga “buot mopatay” kaniya.

‘ADIK’: Ang mga rescuer ug kapulisan nakig-istorya sa 29 anyos nga gituohang naulipon sa gidiling drugas nga nisaka sa lubi sa Sityo Bolabog, Barangay Panadtaran, lungsod sa Argao, alas 10 sa gabii sa Martes, Pebrero 20, 2024, tungod sa kahadlok nga “dunay mopatay” kaniya.
‘ADIK’: Ang mga rescuer ug kapulisan nakig-istorya sa 29 anyos nga gituohang naulipon sa gidiling drugas nga nisaka sa lubi sa Sityo Bolabog, Barangay Panadtaran, lungsod sa Argao, alas 10 sa gabii sa Martes, Pebrero 20, 2024, tungod sa kahadlok nga “dunay mopatay” kaniya. Dario V. Gil

Sa pakighinabi sa Superbalita Cebu kang Panadtaran Brgy. Kapitan Pacit Villamora, alas 7:00 sa gabii sa Martes, si Pantinople giubanan sa iyang usa ka konsehal ngadto kaniya aron, matod pa, motahan sa wa pa matino nga sala.

Matod ni Villamora, iyang gipakaon ug giimbistigar si Pantinople kon nganong mo-surrender ngadto kaniya.

Didto giingon nga niangkon si Pantinople nga siya tiggamitan og shabu.

Dugang sa kapitan, si Pantinople niangkon nga siya suguon sa ubang mosuyop aron mangumpra og shabu.

Dason sa kapitan, iya kining gitambagan nga mohunong na sa maong bisyo ug motrabaho.

Sa pagkaadlawon sa Miyerkules, siya nakurat human gipahibalo sa iyang barangay tanod nga ang ulitawo nikatkat na sa lubi tungod sa kahadlok nga dunay mopatay kaniya.

Nagsige kini og yawyaw nga nangayo og pasaylo sa iyang “dispalko” kay iya ra kining bayran.

Nagduda ang kapitan nga basin ang shabu nga iyang gigamit bayranan sa nagsugo kaniya.

Si Villamora nagkanayon nga di siya makatugot nga naay madaut sa iyang konstituwento tungod sa drugas.

Matod niya nga ang barangay nakig-alayon sa kapulisan sa Argao sa ilang close monitoring para di masudlan sa mga magpayuhot og gidiling drugas sa barangay.

Ang mga opisyal sa barangay ug kapulisan naningkamot sa pagkombinsir kang Pantinople nga mokanaug ug mapaubos sa rehabilitasyon ubos sa programa sa kagamhanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph