GIPANALIPDAN ni kanhi Cebu City Mayor Michael Rama si kanhi Mayor Raymond Alvin Garcia labot sa kontrobersiyal nga P4.4-milyon nga pagpalit og electric SUV.
Matod ni Rama nga gipadako ra ang isyu ug nipadayag nga personal siyang magsilbing legal counsel ni Garcia kon gikinahanglan.
Sa usa ka press conference niadtong Biyernes, Hulyo 4, siya niingon nga naluoy siya kang Garcia nga ipaimbestigar tungod sa giingong pagtugot sa pagpalit og high-end nga BYD electric vehicle atol sa iyang pagkamayor.
“Maluoy ko ni Raymond,” matod ni Rama.
“Nagdali sila, amo unta ni nga administration. Unsaon nako sila pagdepensa?” dugang ni Rama.
Sa pagtubag sa isyu sa SUV, gipakaminos ni Rama ang kontrobersiya, gidasunan ang nahaunang pangangkon ni Garcia nga gikansela ang pagpalit ug giuli ang sakyanan.
“Wala man kaha palita, so no injury or damage. Then no liability. Then no case,” pangatarungan ni Rama.
Gitanyag sab niya ang iyang hugot nga suporta kang Garcia ug niboluntaryo pagrepresentar isip abogado.
“Ingna si Raymond, I will be his lawyer. Akoy mo-depensa,” matod ni Rama.
Ang gikuwestiyon nga SUV, usa ka P4.4-milyon nga electric vehicle gikan sa BYD (Build Your Dreams), maoy subject sa purchase request atol sa termino ni Garcia isip mayor sa 2024.
Si Bise Mayor Tomas Osmeña bag-o lang nikuwestiyon kon nganong ang legal opinion nga giingong nisangpot sa pag-uli sa sakyanan gi-isyu human sa eleksiyon sa Mayo 2025.
Gibutyag sab ni Osmeña nga nagamit na ang sakyanan, nagpasabot nga wala nakanselar ang pagpalit.
Giinsister ni Garcia nga way kuwarta sa gobiyerno nga gibayad alang sa SUV.
“If you’re wondering why Raymond Garcia was so hesitant to turnover documents to Nestor’s administration, here is just one example: a P3.3 million luxury SUV purchased for P4.4 million,” matod ni
Osmeña atol sa interbyu niadtong Huwebes, Hulyo 3, 2025.
“The City Government has no business buying such an expensive vehicle for personal use. Not only is the BYD Tang the most expensive model the company sells in the Philippines, but the fact that City Hall paid P1.1 million more than the standard retail price is absolutely vulgar,” dugang niya.
Samtang gipasabot ni Garcia nga walay kuwarta sa siyudad nga gibayad sa SUV. / EHP