Mikuot sa mahalon nga cellphone, sikop

Cebu City map.
Cebu City map.

Nagtingkagol karon sa Mambaling Police Station sa Cebu City Police Office (CCPO) ang usa ka suspetsadong mangunguot nga nisakiyo sa usa ka mahalon nga cellphone gikan sa iyang biktima, apan nadakpan sa duha ka mga security guard sa mall.

Ang insidente nahitabo sa usa ka dakong mall sa South Road Properties (SRP), alas 3:00 sa hapon Enero 21, 2024, diin nagsugwak ang katawhan nga nitan-aw sa Sinulog.

Ang biktima giila nga si Judith Gosim, 51, dalaga, taga Sta. Catalina, Barangay Salawag, Dasmariñas, Cavite.

Ang gikuot mao ang Iphone 12 Pro Max nga nagkantidad og dul-an sa P100,000.

Ang suspek nga nasikop mao si John Borromeo, 33, ulitawo,taga Sityo Tugas, Brgy. Mambaling, dakbayan sa Sugbo. Nabawi gikan kaniya ang Iphone 12 Pro Max.

Ang biktima nakamatikod nga nakuotan siya sa suspek hinungdan nga dali siyang nipatabang sa duha ka mga kuwarda sa mall nga sila si SG Magdaraog ug SG Solarte hinungdan nga nasikop ang suspek ug gi-turnover sa Mambaling Police Station.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph