Nasikop ang usa ka suspetsadong kawatan nga giingong maoy nilungkab ug nikuha sa P200 nga sensilyo sa eskwelahan sa Barangay Papan, lungsod sa Sibonga, alas 2 sa hapon sa Sabado, Enero 20, 2024
Si Myrna Mendaros, school head sa Teodoro Dela Vega Memorial National High School, maoy nireklamo sa kapulisan.
Ang suspek nga nasikop mao si Joseph Caangay, 20, ulitawo, taga Sityo San Antonio, Barangay San Rafael, lungsod sa Barili.
Ang mga nakadakop mao si Papan brgy. councilor Gomer Blanco ug mga barangay tanod nga sila si William Fernandez ug Rey Sordilla.
Mga ebidensya nga nakuha gikan sa suspek mao ang screw driver nga gigamit sa pagpanglungkab ug P200 nga salapi. Sa imbestigasyon sa kapulisan sa Sibonga ubos sa kamandoan sa ilang hepe nga si Police Capt. Fort Antony Valdez, nagbutyag nga ang suspek nilungkab sa buhatan sa maong head teacher,
Way suwerte kay nasakpan ug nadakpan.