Minglanilla LGU mosusi duna bay mga kasilyas

Minglanilla LGU mosusi duna bay mga kasilyas
SunStar Minglanilla

Mopahigayon og subsob nga inspeksyon ang Kagamhanan sa lungsod sa Minglanilla sa tanang mga barangay sa lungsod aron pagsiguro nga wa nay mo-practice sa open defecation kun bukas nga paglabay sa hugaw sa tawo nga makatampo sa sakit ug kahugaw.

Si Minglanilla Mayor Rajiv Enad nakigtigum sa mga sakop sa Provincial Health office nga nipadayag sa mga angay himuon ug kinahanglan nga palambuon aron makab-ot sa lungsod ang Zero Open Defecation o ZOD.

Ang ZOD mao ang status diin ang mga panimalay nihunong na sa pagpraktis og open defecation ug migamit na og mga limpyo nga kasilyas.

Gilaraw sa kagamhanan nga ang mga residente sa usa ka barangay aduna nay access sa usa ka sanitized nga kasilyas ug biyaan ang batasan sa paglabay sa hugaw sa kaumahan, mga tanom, ug bisan sa katubigan.

Ang pagpataka og labay sa hugaw sa tawo posibleng hinungdan sa mga sakit, sama sa tipos.

Subay niini gikatakda nga mosuroy ang grupo sa kabarangayan aron pagsiguro nga limpyo ug luwas sa mga sakit ang mga residente sa maong lungsod.

Daghan na sa mga local government unit ang nanghatag og libreng mga eniduro alang ni nga kampanya. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph