‘Mipatay’ sa dispatser, sikop

‘Mipatay’ sa dispatser, sikop
SunStar Local News GPX

Usa ka dispatcher nga suspek sa kamatayon sa kaubang dispatcher sa dakbayan sa Carcar napusasan sa Sitio Laguna, Brgy. Sambag 1, dakbayan sa Sugbo, alas 4:40 sa hapon sa Martes, Pebrero 28, 2024.

Si Rammel Alforque Caba­luna, 29, ulitawo, taga Proper Brgy. Valencia, dakbayan sa Carcar, nasikop sa Tracker team sa Carcar City Police Station.

Gipusasan siya pinasikad sa warrant of arrest sa kasong homicide nga giisyu ni Judge Joy B. Redoble sa Branch 7 sa Regional Trial Court sa Carcar City, gipitsahan og Septiyembre 26, 2019 nga dunay piyansa nga P40,000.

Si Cabaluna giingong nagtago sa Mindanao sa dugay nga panahon human gipasakaan og kaso niadtong 2019.

Sa hinapos sa Pebrero 2024, dunay nakahatag og impormasyon sa kapulisan sa Carcar nga si Cabaluna naa sa dakbayan sa Sugbo ug nagdispatser sa Cebu South Bus Terminal hinungdan nga gilusad ang operasyon. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph