‘Mipusil’ sa menor sa internet cafe nasikop

‘Mipusil’ sa menor sa internet cafe nasikop
SunStar Local News GPX

Naa na sa kustodiya sa Mabolo Police Station sa Cebu City Police Office (CCPO) ang usa sa sa mga suspek sa pagpusil sa usa ka menor de edad su’d sa usa ka internet cafe sa Sitio Ponce 1, Brgy. Carreta, dakbayan sa Sugbo, alas 5:45 sa hapon sa Miyerkules, Disyembre 13, 2023.

Matod ni Police Major Erano Regidor, hepe sa Mabolo Police Station, ang biktima nga 15 anyos nga grade 7 student nagduwa og computer sa internet cafe sa dapit.

Apan kalit nga niabot ang mga suspek ug gipusil ang biktima sa ulo. Gidala ang biktima sa usa ka ospital apan kritikal ang kahimtang niini atol ning pagsuwat.

Ang gunman dali nga nisibat. Ang mga barangay tanod sa Carreta nanawag sa mga polis sa Mabolo.

Nailhan dayon sa mga polis ang mga suspek base sa kuha sa CCTV camera sa sulod sa internet cafe.

Usa niini giila nga si alyas ‘Insik Lareda’, lumolupyo usab sa Carreta, uban sa laing usa ka menor ug wala pa mailhing batan-on.

Sa follow up operations, na-rescue ang usa sa mga menor nga maoy nihatag sa tanang mga detalye sa mga imbestigador.

Drugas ang usa sa ilang gitan-aw nga motibo tungod kay, matod pa, wala naka-remit ang biktima sa nakuha niini nga ilegal nga drugas sa amo sa mga suspek.

“Possible drugs gihapon ni kay giingong wala naka remit maong gipatira, nadispalko ang kwarta,” matod ni Regidor.

Giila ang maong mga batan-on sa Carreta nga mga ‘hard core’ bisan sa ilang kabatan-on, sumala sa kapulisan.

Nagpadayon ang manhunt sa kapulisan batok sa duha ka mga suspek nga pabilin pa nga gawasnon.

Bisan pa niini, dason sa hepe, daling nasulbad ang krimen pinaagi sa nakuha nga mga ebidensya sa crime scene.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph