Pinaagi sa social media, gianunsyo ni four-time All-Star guard Kemba Walker ang iyang pagretiro sa National Basketball Association (NBA).
Si Walker, 34, kinsa nagduwa sa EuroLeague ubos sa kampo sa AS Monaco sa miaging tuig, nagkanayon nga katumanan sa iyang damgo nga nakaduwa siya sa NBA.
Si Walker nag-average og 19.3 puntos sa iyang pagduwa sa Charlotte Bobcats/Hornets (2011-19), Boston Celtics (2019-21), New York Knicks (2021-22) ug Dallas Mavericks (2023).
Siya ang all-time scoring leader sa Charlotte. / AP