Missing, patay napalgan

NAGKADUGTA: Kini ang lawas sa 20 anyos nga tinun-an nga lalaki nga napalgang naa na sa state of decomposition sa Barangay Malubog, dakbayan sa Sugbo sa eskina nga dalan paingon sa Tops, pasado alas 11:00 sa udto, Miyerkules,Enero 31, 2024.
NAGKADUGTA: Kini ang lawas sa 20 anyos nga tinun-an nga lalaki nga napalgang naa na sa state of decomposition sa Barangay Malubog, dakbayan sa Sugbo sa eskina nga dalan paingon sa Tops, pasado alas 11:00 sa udto, Miyerkules,Enero 31, 2024. Arnold Y. Bustamante

Naghikog o gipatay?

Mao kini ang susihon sa kapulisan human makaplagi ang lawas usa ka lalaki nga naa na sa state of decomposition, pasado alas 11 sa udto sa Miyerkules,Enero 31, 2024, sa Barangay Malubog, dakbayan sa Sugbo, duol sa eskina sa dalan paingon sa inilang suroyanan nga Tops.

Usa ka babaye nga motubag unta sa sugo sa lawas ang unang nakabantay sa lawas nga nanimaho ug wala nay ulo nga nag sul-ob og jacket nga itom nga dunay marka nga the North Face.

Apan sa iyang paghangad, iyang nakita ang ulo nga nagbitay nga dunay pisi sa liog.

Dali ni nga nipahibawo sa mga tawo nga naa sa duol ug mipahibawo usab kini sa barangay labot sa nakitang lawas.

Usa ka oras ang milabay, usa ka ginang nibutho sa dapit ug miangkon nga iya kining anak subay sa gisul-ob niini nga jacket.

Si Virginia Toray niila sa iyang anak nga si Lawrence Toray, bag-o lang nag 20 anyos niadtong Enero 4, 2024, grade 12 sa Southwestern University (SWU) Phinma.

Matod sa inahan nga missing ang ilang anak niadto pang Enero 6, 2024 ug katapusan siya nga nakit-an sa Barangay Busay, eskina sa dalan nga paingon sa Temple of Leah nga milabang sa karsada nga siya rang usa base sa kuha sa CCTV camera.

Nananghid kini, matod pa, nga mokuha og examination sa tunghaan sa maong adlaw apan wala na kini maka pauli.

Tungod niini, ilang gi-post sa social media nga missing ang ilang anak ug nangayo og pakitabang sa publiko sa pagpangita.

“Nailhan nako siya sa iyang senina, niadto man na siya sa eskwelahan sa buntag anang Enero 6 kay mo exam lagi unya hapon nana siya niari sa Busay, nakita namo sa CCTV nga niagi lang siya ra usa alas 7 sa gabii,” matod ni Virginia.

Si Kapitan Dennis Dabuco sa Barangay Malubog nagkanayon nga ilang subayon kon duna bay mga CCTV camera nga naka capture kon kinsa ang kuyog niini.

Matod niya nga dunay bag nga ilang nakita nga iya sa biktima samtang ang sapatos niini gipahimutang pa sa semento.

Ang Malubog Police Community Precinct mohimo pa sa ilang imbestigasyon ug i­paubos nila sa autopsy ang lawas sa biktima, kon duna ba silay makuha nga lead sa imbestigasyon sa kamatayon sa biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph