Misu’d sa balay kay ‘espirito giluwas,’ gisikop, nabilanggo

GIDAKOP: Si Luprencio Saba Ranas (wala), 38, kanhi construction worker, taga Tabada St., Villa San Antonio, Brgy. Basak San Nicolas, dakbayan sa Sugbo, napriso sa Mambaling Police Station tungod sa iyang pagsulod sa usa ka balay. Nangatarungan siya sa interbyo sa Superbalita Cebu nga iyang gigukod ang upat niya ka higala nga mga espirito aron luwason. Apan nganong napriso man siya?
GIDAKOP: Si Luprencio Saba Ranas (wala), 38, kanhi construction worker, taga Tabada St., Villa San Antonio, Brgy. Basak San Nicolas, dakbayan sa Sugbo, napriso sa Mambaling Police Station tungod sa iyang pagsulod sa usa ka balay. Nangatarungan siya sa interbyo sa Superbalita Cebu nga iyang gigukod ang upat niya ka higala nga mga espirito aron luwason. Apan nganong napriso man siya? GUAM P. LOGROÑO

Lalaki nga nipasuma­ngil nga iyang gigukod ang iyang upat ka mga higala nga espirito nga nisulod sa balay sa iyang silingan alas 12:50 sa kaadlawon Lunes, Abril 1, 2024 sa Tabada St., Villa San Antonio, Brgy. Basak San Nicolas dakbayan sa Sugbo gipadakop sa tagbalay ug gipapriso.

Apan sulod sa prisuhan sa Mambaling Police Station sa Cebu City Police Office (CCPO), ang suspek nga si Luprencio Saba Ranas, 38, minyo, kanhi construction worker, nagpuyo sa lugar, dihang nahinabi sa Superbali­ta Cebu, niingon nga siya nigukod sa iyang “upat ka higalang espirito,” usa niini si Saddam, aron di mapriso sulod sa balay sa ilang silingan nga si Lorraine Ligan, 35.

Laing espirito iyang ginganlan nga sila si Tembo, Maymay, ug laing usa ka babaye.

Siya niasoy nga sa wa pa ang hitabo, nag-inusara siyang nag-inom sa ilimnon nga makahubog dihang dunay “nihunghong” kaniya nga sila si Saddam ningsulod sa balay nila ni Ligan kay gigukod usab sa usa ka lalaki.

Tungod niini, nagdali siya sa pag-apas, nikatkat sa gate ug nisulod sa balay ug gipamukaw ang tagbalay.

“Akong gidali sa pagpangita ang upat ka espirito nga misulod sa balay. Na-lock man, ako giablihan kay naluoy ko sa akong friends nga mga espirito, na-trap,” dugang ni Ranas.

“Mao nga akong gipukaw sab ang tagbalay, sa ingon mahibalo sa nahitabo nga na trap ang upat ka espirito,” asoy niya.

Siya nanghimakak nga duna siyay intensyon sa pagpangawat.

Si Police Major Jonathan Beethoven Taneo, hepe sa Mambaling Police Station nga nahinabi sa Superbalita Cebu, niingon nga alibi lang sa suspek ang iyang pangangkong dunay espirito.

Matod ni Taneo nga robbery ug lungkab ang tirada nga mga krimen sa suspek.

Maayo na lang nga nakamata ang tagbalay, siya nadakpan busa pasakaan siya og kaso nga qualified trespass to dwelling. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph