Patay ang usa ka high value individual human nisukol sa mga polis atol sa gilusad nga buy-bust sa Sityo Silangan 2, Barangay Tejero, Siyudad sa Sugbo, alas 2:50 sa hapon, Huwebes, Enero 23, 2025.
Ang napatay giila nga si Fredo Juntong, hingkod, residente sa maong lugar.
Sa imbestigasyon sa Waterfront Police Station 3 sa Cebu City Police Office (CCPO), nasayran nga nihimo og buy-bust ang ilang operatiba batok sa suspek apan sa dihang nahatag na ang usa kaputos sa gituohang shabu, nakamatikod ang subject nga polis ang iyang ka-transact.
Giingon ni Juntong ang polis ug dayon dagan pasulod sa iyang balay apan gigukod ug nisaka ang suspek sa ikatulong andana sa ilang balay ug nikuha sa iyang armas dayon pusil ngadto sa nagsunod nga polis, apan wala makabuto.
Gitiunan siya sa polis apan padayon nikablit si Juntong sa trigger sa iyang armas ug naunhan siya resulta sa pagkaigo.
Lakip sa nadakpan ang duha ka lain niining kauban nga naa na sa kustodiya sa Waterfront Police Station.
Ang medical team sa barangay nga nihiling sa lawas ni Juntong nipahibawo nga patay na ang subject. / AYB