Usa ka lolo nga nasikop sa usa ka buy-bust sa Huwebes sa alas 2:55 sa kaadlawon, Pebrero 8, niangkon nga nigamit siya og shabu aron paghupay sa iyang hubak.
Ang suspek nga nasikop sa buy-bust sa kapulisan sa Inayawan Police Station sa Cebu City Police Office (CCPO), giila nga si Lydio Barangian Pantoniel, 72, taga Sitio Sto. Niño Community, Barangay Kinasang-an, dakbayan sa Sugbo.
Matod niya nga kon siya makasuyop og shabu, moluag ang iyang gininhawa.
Apan nasayran sa Superbalita Cebu nga sukwahi kini sa mga pagtuon sa mga batid sa medisina.
Samtang nakuha sa mga operatiba sa Station Drug Enforcement Team sa Inayawan Police Station gikan sa suspek ang mga pinakete sa gituohang shabu nga motimbang og 6.12 gramos nga dunay standard drug price nga P41,616.00.