‘Mitambling’ sa drugas, gipusil

‘Mitambling’ sa drugas, gipusil
■ KRITIKAL: Talandugon ang kahimtang sa usa ka drayber sa traysikol nga gipusil, alas 10:50 sa buntag, Huwebes, Hunyo 13, 2024, sa Barangay Balud, lungsod sa Dalaguete human giingong nibaligya og asin nga gipatuo nga shabu. Estorya sa pahina 2. / KAPULISAN SA DALAGUETE
■ TRAYSIKOL: Ang traysikol sa biktima nga gipusil sa riding in tandem alas 10:50 sa buntag, Huwebes, Hunyo 13, 2024, sa Barangay Balud, lungsod sa Dalaguete human giingong nibaligya og asin nga gipatuo nga shabu. / Kapulisan sa Dalaguete
■ TRAYSIKOL: Ang traysikol sa biktima nga gipusil sa riding in tandem alas 10:50 sa buntag, Huwebes, Hunyo 13, 2024, sa Barangay Balud, lungsod sa Dalaguete human giingong nibaligya og asin nga gipatuo nga shabu. / Kapulisan sa Dalaguete

Usa ka drayber sa traysikol gipusil sa riding in tandem alas 10:50 sa buntag, Huwebes, Hunyo 13, 2024, sa Barangay Balud, lungsod sa Dalaguete human giingong nibaligya og asin nga gipatuo nga shabu.

Ang biktima giila nga mao si Brits Dela Peña, 26, ulitawo, lumolupyo sa nahisgutang dapit, kritikal human naigo sa liog ug buko-buko sa pagpamusil.

Usa sa mga anggulo nga gisu­nod sa kapulisan nga motibo sa pagpamusil ang giingong kalambigitan sa biktima sa negosyo sa gidiling drugas.

Usa kini sa nasagap nga impormasyon sa kapulisan sa ilang imbestigasyon gikan sa kasilinganan nga nakatamblining kini sama sa paghatag og ‘asin’ inay shabu sa iyang kustomer.

“Ang estorya lagi sa mga kaila, silingan kana daw’ng asin (imbes shabu). Dili lang nato ma-confirm kay kining nadakpan mi-deny,” matod ni Major Vincent Zozobrado, hepe sa Dalaguete Police Station nga nahinabi sa Superbalita Cebu sa Biyernes, Hunyo 14, 2024.

Dugang niya, laing gisubay usab sa kapulisan mao ang personal grudge, gawas sa ang­gulo bahin sa drugas.

Samtang, ang mga suspek nga riding in tandem nailhan human nakasulti pa ang biktima sa ilang mga ngalan sa wala pa madala sa ospital

Usa sa iyang ginganlan mao si Claudio Pepito, alyas Junjun, hingkod, taga Sitio Poo, Brgy. Langkas, Dalaguete, kinsa gipangita pa atol ning pagsuwat.

Siya maoy nipusil sa biktima, subay sa imbestigasyon sa kapulisan.

Matod pa, nagsumbagay sila si De la Peña ug Pepito sa wala pa ang krimen.

Laing suspek mao si Caloy Laurenti, hingkod, taga Barangay Poblacion, Dalaguete, kinsa nadakpqn sa hot pursuit.

Matod pa, si Laurenti maoy nagmaniho sa motorsiklo.

Samtang, gipalawman pa sa kapulisan ang ilang imbestigasyon.

Matod ni Zozobrado, ang biktima nagmaniho sa iyang motorsiklo padulong sa Brgy. Poblacion, Dalaguete apan pag-abot sa nahitaboan, ang mga suspek nga nagsakay og motorsiklo kalit nga nibutho ug gipusil ang biktima.

Ang mga suspek nisibat paingon sa Brgy. Jolomaynon sa maong lungsod.

Ang biktima gidala sa Julio Cardinal Memorial Hospital apan gibalhin sa usa ka tambalanan sa dakbayan sa Sugbo.

Matod ni Zozobrado, estoryahon nila og balik ang biktima kon maayo na ang kondis­yon niini. Sumala ni Zozobra, ang suspek naila sab nga maldito sa ilang lugar. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph