Dili makaduwa si Cleveland Cavaliers All-Star guard Donovan Mitchell batok sa Chicago Bulls karong Miyerkules, Abril 9, 2025 (PH time), sa National Basketball Association (NBA).
Kini gumikan sa nasinating angol (sprained left ankle) ni Mitchell sa 2nd half atol sa pagkapilde sa Cavaliers batok sa Sacramento Kings, 113-120, niadtong Lunes, Abril 7.
Ang pagkaangol ni Mitchell tataw nga makaapekto sa tinguha sa Cavaliers nga mailog ang No. 1 overall inig human sa regular season.
Si Mitchell maoy scoring leader sa Cavaliers sa iyang average nga 24 puntos. / Gikan sa AP