Magpabilin si five-time All-Star guard Donovan Mitchell sa Cleveland Cavaliers sulod sa taas-taas nga panahon sa National Basketball Association (NBA).
Kini human siya niuyon sa tulo ka mga tuig nga contract extension nga nagbalor og $150.3 million.
Kining maong kalambuan wala ikasurpresa sa kadaghanan tungod kay nisulti nang daan si Mitchell nga kuntento ug malipayon siya sa iyang pagduwa sa Cavaliers, nga ningkuha kaniya gikan sa Utah Jazz pinaagi sa trade.
Sa duha niya ka seasons sa Cavaliers, nahatod ni Mitchell ang team sa playoffs. / AP