Mekaniko nadakpan atol sa buy-bust sa kapulisan sa Negros Oriental Police Provincial Office (NOPPO) niadtong alas 4:09 sa buntag, Biyernes, Agusto 8, 2025, Purok 6, Barangay Boloc-boloc, Lungsod sa Sibulan.
Ang nasikop giila nga si Darwin Batingal alyas Awing, 48, giila nga high value individual, nga nagpuyo ra usab sa maong lugar.
Nakuha gikan kaniya ang usa ka dakong putos sa gituohang shabu nga motimbang sa 53.5 gramos nga mokantidad sa P363,800 ug usa ka selpon.
Ang mga nakuhang ebidensiya giduso na ngadto sa Negros Oriental Forensic Unit alang sa himuon nga chemical analysis.
Sa imbestigasyon sa kapulisan sa Negros Oriental, nga si Darwin niundang na sa iyang pagkamekaniko ug pintor tungod sa kagamay sa iyang kinitaan.
Rason sa suspek nga aduna na siyay usa ka anak nga iyang gastohan, hinungdan nga nisulod sa maong matang sa bisyo. / AYB
