NAKABATON og mga samad tinigbasan ang usa ka lalaki nga niuwang ug nihusay unta sa away sa iyang mga silingan sa alas 8:33 p.m. sa Dominggo, Marso 24, 2024 sa Putok Kulo, Barangay Estaca, lungsod sa Compostela, amihanang Sugbo.
Ang biktima giila nga si Jerryfel Cinco, 31, ulitawo, taga Purok Mangga II, Barangay Cogon Estaca, samtang ang suspek giilag si Juan Ponce Danlag, 47, minyo, taga Purok Nangka.
Sa interbyo sa Superbalita Cebu kang Police Staff Sergeant Roland Alo, investigator on case, iyang gibutyag nga si Cinco nipalit og og sigarilyo sa usa ka tindahan.
Iyang gikaabot si Ponce nga may gikalalis nga nailhan lang nga si Balo. Nabantayan ni Cinco si Ponce nga hubog. Iyang giuwang ug gihusay unta ang duha, apan nakakuha og katana (nailhan nga samurai) ang suspek ug gitigbas na hinuon ang biktima. (DVG)