Compostela town, Cebu.
Compostela town, Cebu. (Google Maps)

Miuwang sa away natigbasan

Nakabaton og mga samad tinigbasan ang usa ka lalaki nga niuwang ug nihusay unta sa away sa iyang mga silingan sa alas 8:33 sa Dominggo sa gabii, Marso 24, 2024 sa Putok Kulo, Barangay Estaca, lungsod sa Compostela, amihanang Sug­bo.

Ang biktima giila nga si Jerryfel Cinco, 31, ulitawo, taga Purok Mangga II, Barangay Cogon Estaca, samtang ang suspek giilang si Juan Ponce Danlag, 47, minyo, taga Purok Nangka.

Sa interbyo sa Superbalita Cebu kang P/Staff Sgt. Roland Alo, investigator on case, iyang gibutyag nga si Cinco nipalit og og sigarilyo sa usa ka tindahan.

Iyang gikaabot si Danlag nga may gikalalis nga nailhan lang nga si Balo. Nabantayan ni Cinco si Danlag nga hubog.

Iyang giuwang ug gihusay unta ang duha, apan nakakuha og katana (nailhan nga samurai) ang suspek ug gitigbas na hinuon ang biktima.

Dali nga gidala si Cinco sa tambalanan samtang si Danlag nasikop sa mga barangay tanod nga sila si Christopher Bantilan Sungahid ug Reynard Manatad Quindao. Ila usab nga nasakmit ang hinagiban nga gigamit sa suspek sa pagtigbas.

Ilang gi-turnover ang suspek ngadto sa Compostela police alas 11:45 sa gabii. / DVG

Related Stories

No stories found.
SunStar Publishing Inc.
www.sunstar.com.ph