Dunay gamay nga pagkunhod sa presyo sa diesel ning adlawa, Martes, Disyembre 5, 2023, samtang mosaka ang presyo sa gasolina.
Sa ilang advisories, ang Pilipinas Shell, Jetti, Seaoil, PetroGazz ug Cleanfuel nagkanayon nga adunay P.30 matag litro nga rollback sa presyo sa diesel ug P.20 matag litro sa kerosene, samtang ang presyo sa gasolina mosaka og P.30 kada litro.
Ipatuman sa Cleanfuel ang rollback sa alas 12:01 sa udto sa Disyembre 5 ug ang Pilipinas Shell, Jetti, Seaoil ug PetroGazz sa alas 6:00 sa buntag.