Nagpabiling limpyo ang mga rekord sa Badian, Barili, ug host Moalboal human sa laing hinampakay sa men’s and women’s divisions sa Mayor Inocentes Cabaron Inter-town invitational volleyball tournament niadtong Marso 16 ug 17, 2024 sa lungsod sa Moalboal, Cebu.
Sa pagpangulo ni kanhi national team member Dave Cabaron, ang Moalboal ningmakmak sa Ronda, 25-15, 25-16, sa men’s division.
Gipanglampurnas sab sa Moalboal ang Ronda, 26-16, 25-21, sa women’s category.
Ang Badian nagkinahanglan og deciding set una nila nalupig ang Malabuyoc sa men’s division, 18-25, 25-23, 27-25.
Sa women’s division, gipanglupig sa Badian ang Malabuyoc, 25-20, 25-12.
Sa ilang bahin, ang Barili ningpukan sa Alegria sa men’s division, 25-13, 25-18, ug hasta sa women’s event, 25-21, 25-13.
Sa laing bahin, ningdaug ang Dumanjug batok sa Alcantara sa women’s category, 25-19, 25-17.
Sa kulbahinam nga men’s division, nakabawos ang Alcantara batok sa Dumanjug, 25-20, 20-25, 25-21. / ESL