Laing mabungahong kampanya ang naangkon sa Dancesports Team Moalboal sa 8th Leg sa Dancesport Challenge ning bag-uhay lang sa Gmall sa North Reclamation Area, Dakbayan sa Sugbo.
Ang grupo nakahakot og 21 ka mga medalya lakip na niini ang lima ka mga gold.
Ang panagpares nila ni Ezekiel Ryan Carticiano ug Ellen Rose Studd maoy nangulo sa kampanya sa team human sila nipatigbabaw sa tulo ka mga kategoriya, ang2 Dance SHS couple, 3 Dance SHS Couple ug Youth Open.
Naghatag og duha gold medals sa team mao sila si Raffy Keith Cataytay ug Axzyl Carticiano sa Latin 2 Dance SHS Couple ug 3 Dance SHS Couple.
Ang team, nga gipangulohan ni trainer Arvin Flores ug Lisa Tacoloy sa San Juan, nag-coutesy call ni Mayor Inocentes Cabaron.
Nakatunol og silver medals sa team mao sila si Lloyd Maverick Gocotano ug Zamanthan Nicole Koleszar, 3rd placer sila si Gerime Gador ug Ethyl Libato samtang 4th placers sila si Ezekiel ug Ariana Margarette Koleszar lakip na sila si Arrylle Tabotabo ug Nicky Rizza Cantila.
Ang ubang nakahatag og medalya sa team mao sila si Lloyd Maverick Gocotano ug Zamantah NIcole Koleszar; Ezekiel Ryan ug Ariana Kolescar; Gerime Gador ug Ethly Libato; Arylle Tabotabo ug Nicky Rizza Cantila, Carticiano ug Ariana Koleszar; Gocotano ug Zamantha Koleszar; Raffy Cataytay ug Axzyl Carticiano; Gerime Gador ug Ethyl Libato.