Moalboal masaligon nga mokampyon sa Gwen Garcia Unity Cup volleyball

VB
VB

Nagpanikad na ang Team Moalboal girls team nga makighinampakay sa 2023 Governor Gwen Garcia Unity Cup Cluster 3 eliminations nga sugdan karong Oktubre 21, 2023 sa Jose Macoy Memorial Gym sa lungsod sa Dumanjug, Cebu.

Ang Moalboal, nga maoy 2nd placer sa niaging tuig sa lungsod sa Barili, determinadong molangkat sa kampyunato ning higayuna.

Masaligon si coach Dexter Tapales nga makuha nila ang korona ning higayuna gumikan sa grabe ka hugot nila nga preparasyon.

Gipasabot ni Tapales nga walo ka mga torneyo ang ilang gisalmutan isip pagpangandam sa Gwen Garcia Unity Cup, gikonsiderar nga labing dakong volleyball tournament sa Sugbo.

Sa walo ka mga torneyo, ang Team Moalboal nikampyon sa Looc, Daanlungsod, ug Poblacion, Malabuyoc, Ronda, ug hasta sa Taytay ug Matutinano sa Badian.

Labing lig-ong babag sa tinguha sa Team Moalboal sa Cluster 3 elimination mao ang defending champion Team Barili.

Ang Team Moalboal pangulohan nila ni Chrisha Omagac ug team captain Ivony Love Templado.

Ang ubang mga sakop sa Team Moalboal mao sila si Coleen Glover, Patricia Gabales, Raj Tarongoy, Karen Tapales, Shellce Dela Rita, Christine Rebano, Jasmine Omagac, Chrislyn Gabales, Precious Domugho ug Jay-ann Tapales.

Si Tapales nagpasalamat sa dakong suporta ni Moalboal Mayor Inocentes Cabaron.

Ang Moalboal aduna say boys squad nga gilangkuban nila ni Angelo Aquino, Romeo Abrenica, James Ebe, Niño Gako, John Uriel Omagac, Mark Gil Acaso, Godfrey Ortiz Jr., Christian Garcia, Clyde Cabaron, John Mark Santilla, Syrus Domugho, Jun Roxas, VJ Delgado, ug Joseph Ybañez.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph