Napiling Defensive Player of the Year sa National Basketball Association (NBA) si Cleveland Cavaliers power forward Evan Mobley ning Biyernes, Abril 25, 2025.
Si Mobley, 23, maoy labing unang magduduwa sa Cavaliers nga nidaog ning maong pasidungog.
Nalupig ni Mobley sa inilugay ning maong pasidungog sila si Dyson Daniels sa Atlanta Hawks ug Draymond Green sa Golden State Warriors.
Si Mobley, kinsa nag-average og 18.5 puntos, 9.3 rebounds ug 3.2 assists, ikaunom sa sa blocked shots sa average nga 1.59 ug ika-13 sa rebounds sa average nga pito. / Gikan sa AP