Nakadesisyon na si Jonas Valanciunas nga moduwa sa Denver Nuggets sugod sa sunod season sa National Basketball Association (NBA).
Nakuha sa Nuggets si Valanciunas gikan sa Sacramento Kings sa sayong bahin ning buwan sa Hulyo apan gipabuhagay sa 6’11” Lithuanian nga mas interesado siyang moduwa Greek team Panathinaikos sa Europe gumikan kay mas duol kini sa iyang yutang natawhan.
Apan nausab ang hunahuna ni Valanciunas ug sa ugma damlag na lang siya moduwa sa Europe.
Si Valanciunas adunay career averages nga 13.1 puntos ug 9.3 rebounds./ Gikan sa wires