Molupyo mipadayag sa kakuwang sa tubig

Molupyo mipadayag sa kakuwang sa tubig
File photo

Nangreklamo na ang ubang mga residente sa bukiran sa dakbayan sa Sugbo gumikan sa kakulang sa supply sa tu­big sa ilang dapit tungod sa grabing kainit sa panahon resulta sa El Niño phenomenon.

Gumikan niini, nihubas ang mga atabay, ubang tinubdan sa tubig sa bukid ug wala nay agas ang ilang mga gripo.

Si Ebet Gabonada, 53, minyo, mag-uuma, taga Brgy. Babag 2, dakbayan sa Sugbo, nibutyag sa Superbalita Cebu sa Miyerkules, Abril 17, 2024 nga namalit sila og tubig nga tag P80 ang matag container.

Lisod ug bug-at kaayo sa ilang kahimtang tungod sa kadako sa gasto.

Nagsugod ang kakulang sa supply sa tubig sa ilang dapit niadtong miaging bulan ug aron dili mausik ang tubig, ila kining gi-recycle.

Si Nilo Gabato, mag-uuma sa Brgy. Busay, nipadayag sab sa ilang problema.

Naglisod sila inadlaw nga paglimpiyo kay walay tubig.

Magpalit ra usab silag tubig nga tag P50 matag baril. Gani naghimo siya’g kariton nga kargaha’g tubig.

Nanawagan sila sa Kagamhanan sa Dakbayan sa Sugbo nga tabangan sila nga mahatagan og linya sa tubig. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph