Nadakpan ang usa ka most wanted nga lalaki sa Police Regional Office (PRO) 7 tungod sa kaso sa pagpanglugos sa tabang sa Santa Catalina Municipal Police Station sa Negros Oriental Police Provincial Office niadtong Martes, Marso 18, 2025, sa Barangay Poblacion.
Ang kapulisan sa Lungsod sa Santa Catalina nisikop sa 24 anyos nga lalaki pinasikad sa warrant of arrest nga giluwatan ni Presiding Judge Angela Carina
Cortes-Garces sa RTC Branch 33 sa Dakbayan sa Dumaguete sa kasong rape nga walay gitugot nga piyansa ang korte.
Ang maong dinakpan kasamtangan karon nga gikustodiya sulod sa Santa Catalina custodial facility.
Tungod niini, si Police Brigadier General Redrico Maranan hepe sa kapulisan sa Central Visayas nidayeg sa iyang mga personnel sa Santa Catalina sa Negros
Oriental subay sa pagkasikop sa maong most wanted person.
"This arrest is a clear message that the PNP will not relent in pursuing individuals who evade justice. Our dedicated personnel continue to work tirelessly to ensure the safety and security of our communities,” matod ni Maranan.
Sigon sa heneral nga ang kapulisan sa rehiyon 7 padayon nga nanghingusog sa pagsikop sa labing pinangita sa balaod aron mapanubag sa salaod nga ilang nahimo ug mahatagan og hustisya ang nabiktima.
Daghan pa nga mga warrant of arrest nga gitakdang i-serve sa PNP alang niadtong padayon nga nagtagotago sa kamot sa balaod tungod sa nagkalainlaing salaod./AYB