Tungod sa iro nga kalit milabang sa kalsada hinungdan nga nasukamod ang motorsiklo nga gimaneho sa amahan ug ang angkas niini ang anak.
Ang insidente nahitabo sa national highway sa Barangay Pasol, Lungsod sa Alcoy, habgatan sa Sugbo, Miyerkules sa buntag, Septiyembre 4, 2024.
Nalandig sa tambalanan ang mga biktima nga sila si Bonifacio Antido, 52, ug anak niini nga si Jhea Antido, 25, dalaga, taga Atabay, Alcoy human nakaangkon og mga pangos sa nagkadaiyang bahin sa ilang lawas.
Nisuway og likay ang drayber sa iro nga kaklit nilabang sa dalan apan nawad-an sila sa balanse resulta sa ilang pagkasarasay.
Mga sakop sa Alcoy Municipal Disaster Risk Reduction Management Office ang mitabang sa mga biktima nga gidala sa Carcar City Provincial Hospital aron magpaalim sa ilang mga pangos, ug ang pagpaubos sa CT scan aron pagsuta sa kahimtang sa ilang paglawas. / DVG