Napangos ug gituohang bali ang tuong tiil sa usa ka drayber sa motorsiklo nga nadisgrasya tungod sa may pahimangno nga “Pahinay para dli mamatay” sa national highway sa Barangay Bahay, lungsod sa Sibonga, pasado alas 4:00 sa hapon, Dominggo, Oktubre 22, 2023.
Ang biktima nga gikahinabi sa Superbalita Cebu mao si Rosindo Sarael, hamtong ang panuigon, ug taga Mandilikit sa lungsod sa Argao, kinsa niingon nga padung siya mouli sa Argao ug may gikasugat siyang awto nga kusog ang dagan hinungdan nga nilikay ug nikawas sa lane.
Apan kini ang hinungdan sa iyang pagkadisgrasya human natumba sa kimba ug daling gitabang sa rescuers sa Sibonga ug Argao responders nga tayming niagi sa maong dapit. Hinuon, luwas na ang kahimtang niini.