Motor nabangga sa signage; driver kritikal

 (Google Maps)
Argao, Cebu. (Google Maps)

Talandugon ang kahimtang sa usa ka batan-ong ulitawo human nabangga ang iyang motorsiklo sa usa ka signage sa national highway sa Sityo Bahabaha, Brgy. Poblacion, lungsod sa Argao, habagatang Sugbo alas 3:15 sa kaadlawon sa Biyernes, Mayo 31, 2024.

Ang biktima giila nga si Mark Dave Flores, 23, taga Barangay Ubaub, Argao.

Sa imbistigasyon ni Patrolman Ranel Macapanas, traffic police investigator sa Argao Municipal Police Station, ubos sa kamandoan sa ilang hepe nga si P/Maj. Janus Giangan, nasuta sa Superbalita Cebu nga ang biktima nagmaneho sa motorsiklo padong sa habagatan gikan sa Brgy Poblacion.

Apan pag-abot sa Bahabaha sa Poblacion, wa siya nakamatikod sa signage sa ongoing drainage construction ug disgrasya nga nadasmag.

Sa kakusog sa impact, nalamba siya sa atubangan sa backhoe nga gi-park sa maong dapit.

Ang biktima nga nakaangkon og grabeng kadaut sa kalawasan, gitabang sa mga rescuer sa Argao ug gidala sa Isidro C Kintanar Memorial Hospital (ICKMH) sa Brgy. Bogo, Argao. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph