Motor nabanggaan, 3 angol

Motor nabanggaan, 3 angol

Tulo ang nangaangol nga mga sakay sa motorsiklo nga gibanggaan sa usa ka multicab nga gimaneho sa usa ka langyaw sa national highway sa South Poblacion, siyudad sa Naga, alas 7:30 sa gabii sa Miyerkules, Nobiyembre 15, 2023.

Ang mga biktima mao sila si Leonardo Sebonit Jr., 28, ulitawo, taga Brgy. Inayagan, Naga; Lolito Cuizon, 48, minyo, taga Das Lotupan, siyudad sa Toledo ug Ernesto Villarta Jr., hamtong, taga West Poblacion, Naga.

Matod pa, ang mga biktima nagmotorsiklo padulong sa siyudad sa Sugbo apan nadasmagan sa multicab nga gimaniho sa usa ka James Gilmore, 60, American national, nagpuyo sa Brgy. Casay, lungsod sa Dalaguete.

Ang mga biktima gitabang sa mga sakop sa City Disaster Risk Reduction Management Office (CDRRMO) sa Naga ug gidala sa Vicente Mendiola Center for Health sa Poblacion, Naga.

Sa pakighinabi sa Superbalita Cebu ngadto kang PCMS Ken Cabrera, police traffic investigator sa Naga, nasayran nga ang Amerikano wa magdugay sa ilang kustodiya gumikan kay nakab-ot ra ang amicable settlement tali sa mga biktima. (DVG, Tampo nga hulagway)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph