Giablihan og balik sa Kagamhanan sa Siyudad sa Sugbo ang flyover duol sa Foodland alang sa mga motorsiklo niadtong Huwebes, Agusto 6, 2026, human gihimuan og review sa mga opisyal sa trapiko ang unang adlaw sa pagpatuman sa Oplan BanTal: Discipline Zone ug gitubag ang reaksyon sa publiko.
Gipahibalo sa Cebu City Transportation Office (CCTO) nga ang mga motorsiklo nga nagbiyahe sa amihanan ug habagatan nga direksyon makagamit na sab sa flyover sugod alas 8 sa buntag sa Huwebes, bisan pa nga ang mga drayber gidili gihapon nga mag-overtake ug kinahanglan nga mobalik sa gitakda nga outermost motorcycle lane paggawas nila sa maong estruktura.
Si CCTO Head Raquel Arce nagkanayon nga ang adjustment dili kinahanglan sabton nga kapakyasan sa Oplan BanTal, diin gipasabot niya nga ang siyudad nag-adjust pa sa pilot traffic discipline program.
“This is only one aspect that we adjusted. The Discipline Zone continues,” matod ni Arce.
Gipasabot niya nga ang siyudad nagpaabot na nga makahimo og mga kausaban sa sayong bahin sa pagpatuman samtang ang mga opisyal nag-monitor sa kahimtang sa trapiko sa karsada.
“We are still studying the program. There are measures that we can adjust, there are measures that we can make stricter until we finalize everything,” ingon niya.
Gisulti ni Arce nga ang desisyon sa pag-abli og balik sa flyover subay sa sentimento sa publiko ug sa mga obserbasyon nga nahimo sa mga personnel sa trapiko sa unang adlaw sa pagpatuman.
“We listened to the clamor of the public. At the same time, we also saw what happened yesterday. If something needs to be adjusted, then we adjust it,” gipadayag niya.
Taliwala sa pagtugot sa mga motorsiklo nga makaagi sab sa flyover, giinsister ni Arce nga ang mga drayber kinahanglan gihapon nga magpabilin sa gitakda nga outermost lane sa wala pa mosulod ug diha-diha ra sab mogawas sa flyover.
Gipadayag niya nga ang mga enforcer sa trapiko nakamatikod sa pipila ka drayber nga naghuot sa innermost lanes human nikanaog sa flyover ug nag-ilugay pa sa ubang mga sakyanan alang sa posisyon sa karsada.
Gitataw niya nga ang motorcycle lane nagpabilin nga usa sa mga importanteng bahin sa Oplan BanTal, uban sa pormal nga paggamit sa gitakda nga loading ug unloading lay-bys alang sa public utility vehicles ug mas gipahugtan nga pagtuman sa pedestrian crossings.
Gipadayag ni Arce nga ang CCTO nakaluwat og 115 ka citation tickets sa unang adlaw sa pagpatuman.
Ang maong gidaghanon naglangkob sa nagkalainlaing violation sa trapiko nga narekord sa Mambaling-to-Talamban corridor ug wala lang kini matutoki sa Foodland Flyover.
Samtang ang CCTO wala pa makahatag og detalye kon pila ka citations ang giluwatan mismo sa flyover, gikompirmar ni Arce nga pipila ka drayber ang gidakop samtang ang uban gihatagan ra og pahimangno.
Tungod sa gibag-o nga traffic scheme nga gipatuman na, giawhag ni Arce ang mga drayber nga mosunod sa mga traffic sign ug sa mga gimando sa mga traffic enforcer.
“If there is a ‘No Entry’ sign, then don’t enter. If there is no ‘No Entry’ sign, then motorcycles may pass. The important thing is to read the traffic signs and follow them,” sigon niya. /