Motorsiklo mibangga sa poste: 1 patay, 1 angol

NALUWAS: Si Aileen Tariao, 42, taga Purok 6B, Cambiohan, Barangay Poblacion, siyudad sa Danao, naluwas sa aksidente sa lungsod sa San Fernando, alas 5 sa buntag sa Dominggo, Enero 21, 2024.
NALUWAS: Si Aileen Tariao, 42, taga Purok 6B, Cambiohan, Barangay Poblacion, siyudad sa Danao, naluwas sa aksidente sa lungsod sa San Fernando, alas 5 sa buntag sa Dominggo, Enero 21, 2024. HULAGWAY NI SCARTHLETMINE ABELLANOSA

Patay na dihang nidangat sa tambalanan ang drayber sa usa ka motorsiklo ug grabing naangol ang iyang kapuyo human sila nabangga sa kongkretong poste sa kuryente sa N. Bacalso Ave., sa Barangay Pitalo, lungsod sa San Fernando, alas 5 sa buntag sa Dominggo, Enero 21, 2024.

Ang biktimang nakabsan sa kinabuhi mao si Harvey Yongco, 48, samtang angol ang iyang kapuyo nga si Aileen Tariao, 42, taga Purok 6B, Cambiohan, Barangay Poblacion, siyudad sa Danao.

Si Scarlethmine Abellanosa nga bayaw ni Aileen Tariao nga gikahinabi sa Superbalita Cebu nagkanayon nga gikan sa dakbayan sa Danao ug nagpadulong sa Sityo Camagayan, Brgy. Perrelos sa siyudad sa Carcar ang duha.

Gituhoan nga nakatagpilaw si Yungco samtang nagmaniho sa iyang motorsiklo hinungdan nga nisimang sa dan ug nidasmag sa poste sa kuryente.

Ang mga biktima gidali sa pagdala sa Carcar City Provincial Hospital apan, si Yungco gideklarar nga dead on arrival (DOA). Matod ni Abellanosa, ang magkapuyo dunay upat ka mga anak nga pulos mga babaye.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph