Motorsiklo mibangga sa PUJ, drayber tipi

■ AKSIDENTE: Ang motorsiklo guba kaayo ug ang drayber niini namatay human nibangga sa gikasugat nga modern PUJ sa national highway sa Brgy. Poblacion, lungsod sa Liloan, amihanang Sugbo alas 2:20 sa kaadlawon sa Lunes, Disyembre 11, 2023. / TAMPO
■ AKSIDENTE: Ang motorsiklo guba kaayo ug ang drayber niini namatay human nibangga sa gikasugat nga modern PUJ sa national highway sa Brgy. Poblacion, lungsod sa Liloan, amihanang Sugbo alas 2:20 sa kaadlawon sa Lunes, Disyembre 11, 2023. / TAMPO

Patay ang usa ka lalaki gikan sa Christmas party dihang ang iyang gimaneho nga motorsiklo nabangga sa gikasugat nga modern PUJ sa national highway sa Brgy. Poblacion, lungsod sa Liloan, alas 2:20 sa kaadlawon sa Lu­nes, Disyembre 11, 2023.

Ang biktima giila nga si Franklin Abayon, minyo, taga Purok Agbati, Brgy. Baring, lungsod sa Carmen, nagtrabaho sa usa ka bodega sa Barangay Tayud, Liloan.

Si Abayon gidala sa usa ka ospital sa dakbayan sa Danao apan gideklarar nga patay nang niabot. Samtang ang drayber sa modern PUJ nga si Dennis Tagalog, hamtong, taga Brgy. Yati, Liloan nitahan sa kapulisan.

Si Major Eric Gingoyon, hepe sa Liloan Police Station nga nahinabi sa Superbalita Cebu pinaagi sa telepuno, nagkanayon nga ang biktima kusog nga nakapadagan sa iyang motorsiklo paingon mopauli.

Dugang kasayuran gikan sa igsuon sa biktima, kini nakainom gikan sa usa ka Christmas party. Sa pag-abot sa nahisgutang lugar, didto na sa pikas linya sa karsada siya niagi ug gikasugat ang modern PUJ.

Ang biktima nalagpot og pipi­la ka metros samtang ang motorsiklo maayong pagkagusbat.

Sumala sa kapulisan, ang drayer sa modern PUJ gipagawas human nakab-ot ang amicable settlement kay ang operator sa PUJ maoy moabaga sa galastuhan sa paghipos sa lawas sa biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph