Motorsiklo midasmag sa nagparada’ng dump truck

NAPASLAK: Gidudahang nakapiyong ang nagmaneho sa motorsiklo sa dihang misumpot sa luyo’ng bahin sa trak. /
NAPASLAK: Gidudahang nakapiyong ang nagmaneho sa motorsiklo sa dihang misumpot sa luyo’ng bahin sa trak. / LAPU LAPU CITY POLICE OFFICE

Dead-on-arrival (DOA) ang drayber sa motorsiklo sa dihang gidala sa Lapu-Lapu City Hospital human nakasugat og aksidente sa Marcelo Fernan Bridge sa Martes sa kaadlawon, Marso 5, 2024.

Ang biktima giila nga si Randelo Escario Tayo, 29, taga-Kadia, Lungsod sa Madridejos, Sugbo.

Base sa imbestigasyon sa city traffic investigator , Police Senior Master Sergeant Rheymund Sosmeña, sa mga alas 4 sa kaadlawon napasok ang motorsiklo nga gimaneho ni Tayo sa nakaparada nga dump truck nga nahimutang sa inner lane sa nahisgutang tulay.

Saysay sa imbestigador nga nakasugat og mechanical problem ang dump truck hinungdan nga wa makalahutay sa pagtungas sa bridge.

Gikatahong naka-hazard light ang trak ug nagbutang og early warning device gamit ang ilang kargamento nga gisulod sa puti nga sako.

Nagduda si Sosmeña nga posibleng nakapiyong ang drayber sa motorsiklo ug wa makabantay sa trak.

Samtang ang truck driver giila nga si Bitchel Pelit Completado, 38, ulitawo, taga-Barangay Canao-Canao, Tabogon, Cebu kasamtangan nga gikustodiya sa kapulisan samtang nagpaabot sa kabanay sa biktima kon mosang-at kini og kasong reckless imprudence resulting to homicide ug damage to property batok kaniya. /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph