Motorsiklo mipilit sa SUV, drayber namatay

Liloan, Cebu. (Google Maps)
Liloan, Cebu. (Google Maps)

Nakabsan sa iyang kinabuhi ang drayber sa motorsiklo sa dihang ang iyang gimaneho nga motorsiklo misampak sa nagparada nga SUV niadtong Lunes sa tunga’ng gabii, Mayo 6, 2024, sa National Road, Barangay Yati, lungsod sa Liloan.

Ang biktima nga usa ka trabahante sa lending company nga nailhan sa panga­lan nga Deney Agabi Carado, 34, taga-Barangay Looc, Mandaue City.

Si Carado gideklarar nga dead-on-arrival (DOA) sa dihang gidala sa Cebu Provincial Hospital sa Danao City.

Samtang ang drayber sa Mitsubishi Montero nga si Remigio Singuran Ycot, 58, taga Barangay San Vicente, lungsod sa Liloan, ang kasamtangang gikustodiya sa Liloan Police Station.

Wa matino kon nganong nagparada sa daplin sa dalan ang maong SUV o unsay katuyoan nga mipadaplin.

Sigun sa hepe sa Liloan Police Station, Police Major Eric Gingoyon nga nag-parking daplin sa dalan ang SUV.

Samtang ang biktima nga padu­long mipauli, gihulagway nga kusog nakapadagan sa iyang motor sa dihang kalit kining mibangga sa luyo nga bahin sa SUV.

Gumikan sa kakusog sa impact, nakaangkon og grabeng kadaot sa iyang lawas ang biktima.

Nasayran nga si Carado nag-sideline og trabaho pagpang-welding sa Sta. Lucia subdivision, Brgy. Yati, Liloan.

Hinuon ang dunay panagsabot-sabot ang habig sa pamilya sa namatay tali sa driver sa SUV. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph