Hingpit naugdaw ang usa ka motorsiklo nga nikayo ug wala matabang sa hupas na nga fire extinguisher sa Barangay Panadtaran, lungsod sa San Fernando, alas 5:33 sa hapon, Martes, Hunyo 4, 2024.
Si F01 Sunny Garsula, fire investigator sa Bureau of Fire Protection (BFP) sa San Fernando, nagkanayon nga usa ka Suzuki Raider 150 ang nasunog nga motor nga gipanag-iya ni John Loyd Languido, taga Pugon, Barangay Tuyom, dakbayan sa Carcar.
Matod ni Arsula, si Languido ang niapil sa motor show ug nagparebolusyon sa iyang motorsiklo apan ni-back fire ang tambutso ug gidakop ang gasolina sa tangke nga dunay leaking hinungdan sa pagkasunog sa motorsiklo. / DVG